Біздің Telegram-дағы каналға жазылыңыздар - жазылу («Канал о безопасности»; @komitet_po_chs)

Жаңалық таспасы

 

 Ағымдағы жылғы ақпан айының 18 күні БҚО ТЖД Ақжайық ауданы Төтенше жағдайлар бөлімі «Казтрансгазаймақ» акционерлік қоғамының Ақжайық аудандық филиалының қызметкерлерімен бірлесіп тұрғын үйдегі улы газдан уланудың, адам өлімін алдын алу мақсатында Ақжайық ауданы Чапаев ауылының тұрғын үйлерінде ауыл аралық шолуы ұйымдастырылды. Рейд барысында тұрғындарға өрт қауіпсіздігі ережелерімен таныстырылып, түсінік жұмыстары жүргізілді. Тұрғын үйлердің жылыту пештеріне және газ плиталарына басты назар аударылды.

 Жер үйде тұратын адамдар жылуды ұстап тұру үшін кейде байқамай, мұржаны ерте жауып тастайды. Жанған оттың табы басылмай тұрып, түтін шығатын жерді бітеп тастаған соң, сол жерде иісті газ жиналып, адамның өміріне қауіп төндіреді. Керосин шамының нашар жануы, газ плиталарының ашық қалуы да осындай зиянды газдардың пайда болуына себепші болады.

      Газбен уланған адамның ең алдымен, маңдайы мен самай тұсы ауырып, басы айналады, жүрегі айнып, кейде құсады. Бірте-бірте әлсіреген адам маужырап, кейде ұйықтап та қалады. Кей жағдайда уланған адамның құлағы шыңылдап, есінен танады, терісі, беті қызарып, жүрегі қатты соға бастайды. Уланған адам қауіпті жерде одан әрі жата берсе, бұлшық еттері әлсірейді, нәтижесінде жүректің соғуы тоқтайды. Қатты уланған адам тыныс жолдарының жансыздануы салдарынан демалысы біржолата тоқтап, өліп кетуі де мүмкін.

      Сақтану жолдары.

      Газбен уланбас үшін жылу жүйесіне мұқият қарап, көліктің қауіпсіздік шартын түгел орындаған жөн. Пештің аузына мұқият болып, ішіндегі от түгел жанып біткенше, мұржаны жаппау керек. Жабық гаражда көлікті от алдыруға болмайды, жиналып қалған газ зиянын тигізуі мүмкін. Моторы сөнбеген көліктің ішінде ұйықтауға болмайды.

    Ауру-сырқаудан аман жүру көп жағдайда адамның өзіне байланысты. Ауырып емделгенше, аман жүруге тырысайық, ағайын! 

    

      Ақжайық ауданы Төтенше жағдайлар

                  бөлімінің инженері азаматтық қорғау

                  лейтенанты Е.Б.Кенжеғали

 

 

 

Жаз кезі - бұл адамдардың табиғат аясына демалуға шығатын керемет кезі. Жазда балалардың көптен күткен жазғы демалыстары да басталады. Өкінішке орай, осы уақытта адамдардың жарақат алу, суда қаза болу, жол-көлік оқиғалары және де тұрмыстық, табиғи өрттер санының өрістеуі байқалады.

Балалар жарақаты тек қана Қазақстанда емес, көптеген әлем елдерінің кең көлемдегі әлеуметтік мәселелеріне айналды. Бұны түрлі жарақаттардан балалар өлімінің жоғары деңгейлігінен көруге болады.

Қаза болудың негізгі себебі ата-анасының қарауынсыз қалған балалардың абайсыздығы болып табылады.

2019 жылы Батыс Қазақстан облысының аумағында көппәтерлі тұрғын үйдің терезесінен баланың құлауының бір фактісі тіркелді.

2020 жылы Орал қаласында көп пәтерлі үйдің терезесінен баланың құлауы 1 жағдайы тіркелді.

Барлық балалар, жаңаны түсінуге ниетенеді, ал терезе сол ойларын жүзеге асыруға таптырмас мүмкіндік. Терезе, соның ішінде ашық терезе, үйдегі ең қауіпті жерлердің бірі. Сондықтан терезелер жанына орындықтар, үстелдер мен тумбочкаларды қоймаған жөн. Төтенше жағдайлардың алдын алу үшін, қарапайым, бірақ өмірлік маңызды қауіпсіздік ережелерін сақтау қажет:

- ашық терезе немесе балкон жиегіне баланы жақындатпаңыз;- терезе жабылып тұрған кезде де терезенің алдына балаларды шығармаңыз; - балаларға терезелерді жууға, перделерді ілуге рұқсат етпеңіз.Жоғарыда аталған ережелерді балконға қатысты да сақтау керек.

 

Балалардың терезеден және тұрғын үйлердің балкондарынан құлау санын азайту бойынша кеңестер

 

 

Егер сіз терезенің барлық өлшеміне тор орнатсаңыз, оның өрт болған жағдайда тез ашылатындай тәсілі болуы керек.

Тор ілгіштермен ашылып, аспалы құлыппен жабылуы тиіс. Кілт еденнен жоғары, терезенің жанында шегеге, жасөспірім мен ересек адам қажет болған жағдайда терезені тез аша алатындай етіп ілінеді.

Терезенің торларын саңлаусыз бітеп тастамаңыз, бұл Сіз үшін тіпті бірінші қабатта да қымбатқа түседі.

Торлардың кез келген түрі кезінде – темір шыбықтар арасындағы ойық бала басының көлденең өлшемінің жартысынан аспауы тиіс (10 см-ден аспауы тиіс).

Егер бала темір шыбықтар арасына басын сұға алатын болса - мұндай тордың еш пайдасы болмайды!

 

 

 

 

 

Зілзалалардың қауіп қатерін азайту және

азаматтық қорғау саласындағы бақылау басқармасы

2020 жылғы 14 ақпанда Орал қаласы төтенше жағдайлар басқармасы облыстық Х.Есенжанов атындағы балалар және жасөспірімдер кітапханасында  «Өмір - тіршілік қауіпсіздігі»  тақырыбында оқушылармен кездесу өткізді. Шараға Орал қаласының № 21, № 43 мектептерінің 9-10 сынып оқушылары мен студенттер қатысты.

Балалар құтқарушы, өрт сөндіруші және апаттар медицинасы орталығы дәрігерінің мамандықтарымен танысты. Кездесу барысында Орал қаласы ТЖ басқармасының қызметкерлері күнделікті атқаратын жұмыстары, құтқарушы мамандығының ерекшелігі туралы айтты. ТЖ кезіндегі жүріс-тұрыс ережелері, зардап шеккенге алғашқы көмек көрсету жөнінде ұсыныстар беріп, шұғыл жағдайларда алғашқы көмек көрсетудің әдістерін үйретті.

Сабақта балалар Батыс Қазақстан облысы аумағында орын алатын төтенше жағдайлар туралы оқыту роликтерін көрді, "қауіпсіздік диалогына" қатысты. Өрт сөндірушілердің жауынгерлік жабдықтарымен танысып киіп көрді.

Орал қаласы ТЖ басқармасының аға инженері

азаматтық қорғау майоры И. Утешева

 

2020 жылғы 14 ақпанда БҚО Төтенше жағдайлар департаменті Қаратөбе ауданының төтенше жағдайлар бөлімінің қызметкерлері Қаратөбе ауданы мектептерінің оқушылары арасында Дүниежүзілік азаматтық қорғаныс күніне орай жарыс ұйымдастырды.

Жарыстың мақсаты - өскелең ұрпақты ұжымшылдыққа, серіктестікке, өзара көмек көрсете білуге тәрбиелеп, олардың бойында шығармашылық ойлауды, ұлттық рух сезімін қалыптастыру.

Жарыс Шөптікөл жалпы орта білім беретін мектеп-балабақшасының спорт залында 9-11 сынып оқушылары арасында өткізіліп, пневматикалық винтовкадан ату, газқағарды және жалпы әскери қорғаныс жинағын киюді қамтыды.

Командалар 5 метр қашықтықта тұрып пневматикалық винтовкамен нысанға атуды, тіреп тұрып 8 рет атуды (3 сынама 5 сынақ) көздеп атып сайысқа түсті. Командалар жарыс барысында өздерінің тыңғылықты дайындықтарымен қызықты ойын көрсетті. Алайда «Жүзден жүйрік, мыңнан тұлпар озар» дегендей, Мұхит атындағы ЖОББМ 1-орынды, Шөптікөл ЖОББМ 2-орынды, Қоскөл ЖОББМ 3-орынды иеленді. Жарысқа қатысушыларды Қаратөбе ауданы ТЖБ бастығы азаматтық қорғау подполковнигі М. Искаков марапаттады.

 

 

 

 

 

Қаратөбе ауданы ТЖБ инженері

азаматтық қорғау лейтенанты

Қ. Қабекенов

 

ДАУЫЛДЫ АЛДЫН - АЛА ЕСКЕРТУ

Ұйымдарға, қалалық, аудандық АҚ МҚ басқару органдарына!

«Қазгидромет» РМК-ның БҚОФ 2020 жылғы 17 ақпандағы мәліметі бойынша:

18 ақпанда Батыс-Қазақстан облысының кей жерлерінде тұман, көктайғақ, оңтүстік-батыстан соғатын желдің күші кей жерлерде 15-20 м/с күтіледі.

Орал қ.: 18 ақпанда түнде және таңертең тұман, көктайғақ, күндіз оңтүстік-батыстан соғатын желдің екпіні 18 м/с күтіледі.        

         Тұрғындар арасында төтенше жағдайларға жол бермеу іс-шаралары жүргізілсін, тіршілікті қамтамасыз ету нысандарының, электр және байланыс жүйелерінің үздіксіз жұмысы қамтамасыз етілсін.

ТЖ жоюға күштер мен құралдар дайындыққа келтірілсін, басшылық құрамының тәуліктік кезекшілігі ұйымдастырылсын, күрделенген жағдайда, ТЖ қаупі төнгенде БҚО ТЖ департаментінің жедел кезекшісіне төмендегі телефондар арқылы хабарлансын: 51-39-35 (факс), 51-42-22, 112.

 

2020 жылғы 15 ақпанда ТЖД Сырым ауданының ТЖБ қызметкерлері       № 14 өрт сөндіру бекеті және аудандық «Жастармен жұмыс жөніндегі ресурстық орталығы» қызметкерлерімен бірлесіп, Жымпиты, Бұлан ауылының тұрғындарына «Тұрғын үй секторындағы өрт қауіпсіздігі маусымы» және «Дүниежүзілік азаматтық қорғаныс айлығы» шеңберінде рейд шаралары ұйымдастырылып, түсіндірме жұмыстары жүргізілді.

Шара барысында, тұрғындарға жылыту пештері мен газ құрылғыларын, электр жылытқыш аспаптарды пайдалану кезіндегі өрт қауіпсіздігі талаптарын сақтауды, жылыту мезгілінде 2 айда бір реттен кем емес мұржаларды тазалап тұру, жылыту пешінің айналасына жанғыш заттарды қоймау, балаларға пешті немесе газды бақылауды тапсырмау, балалардың отпен ойнауына жол бермеу және өрт қауіпсіздік шараларын қатаң түсіндіруге басты назар аударылды.

Сонымен қатар, «Баршаның назарына» дабылы берілген кезде, тұрғындардың дереу теледидарды, радиоқабылдағыштарды қосып, шұғыл әрекет ету туралы хабарламаны мұқият тыңдап, сол бойынша іс-қимыл жасаулары туралы айтылды.

Рейд шаралары өз жалғасын табуда.

на

Тұрғын үйлерде өртке қарсы қауіпсіздікті қамтамасыз ету үшін келесі талаптарды  орындауды ұсынамыз: пештің дұрыс жұмыс істеуін қадағалаңыз, саз-құмды ертіндімен сылап, оны әктеңіз; пешті кемінде 38 см аралықта өңдеңіз; қатты отынмен жанатын  пештің есігінің алдына кемі  50 * 70 см метал қаңылтыр қағыңыз; жиһаз, перделер мен басқа да жанғыш материалдарды пештен  0,5 м қашықтықта орналастыру, жылыту пешінің үстіне ағаш, киім және басқа да жанғыш заттарды кептірмеу қажет.

Ақаулы пеш өртке себепші болып қана қоймай, пеш жарықтарынан шығатын улы газбен улануға әкелуі мүмкін. Жоғары температура әсерінен балшық ерітіндісі тігістерінде,   алапта және түтін арналарында  қалыптасқан жарықшақтар боялуы нәтижесінде аса қауіп төндіреді.

Атап өтетін жайт кейбір жеке үй «иелер» ағаш пен көмірді үнемдеуге тырысып, қолдан жасалған электр жылытқыш құрылғыларын орнатады және  қорғау аппараты бар  электр есептегішті  қосады. Нәтижесінде электр өткізгіш қатты қызып, тұтанып жанады. Үй иелері кейде  пеш жағады. Ал егер сіздің үй осы үйдің жанында орналасса ше?

Азаматтар! Осындай жағдайларда мұқият болыңыздар, себебі құрылғының жөнді істемеуі немесе пештің дұрыс орнатылмауы, қолдан жасалған электр жылытқыш құрылғыларын пайдалану нәтижесінде туындаған әрбір өрт материалдық шығын келтіріп қана қоймай, адам өмірін де жалмайды.

 

 

Бәйтерек ауданы ТЖБ